307. Per 3 oktober 2015 is kinderzwerfboekstation in De Fijfskaar in Sint Jabik geopend

Dobby (uit Harry Potter) houdt toezicht in het kinderzwerfboekstation in Sint Jabik

Op zaterdag 3 oktober 2015 is het nieuwe kinderzwerfboekstation in sportcomplex De Fijfskaar in Sint Jabik voor het eerst geopend. Iedere zaterdag en zondag van 08.30 tot 16.00 uur én tijdens speciale jeugdsportactiviteiten kunnen kinderen en jongeren een leesboek uit de speciale boekenkast meenemen. Na het lezen kan het boek teruggezet worden in hetzelfde kinderzwerfboekstation, maar het boek doorgeven aan een ander óf op een plek neerleggen waar een ander kind het vindt, is nóg leuker. Zo zwerft het leesboek van jonge lezer naar jonge lezer.

Kinderzwerfboeken zijn te herkennen aan een sticker op de voorkant en aan de binnenkant van het boek. Een boek dat als zwerfboek ingeschreven is op www.kinderzwerfboek.nl, heeft een uniek nummer dat op de sticker aan de binnenkant van het boek staat. Wanneer de vinders van een zwerfboek op de site aangeven wáár zij het boek hebben gevonden, is de zwerftocht van een boek helemaal te volgen. Het invoeren van een kinderzwerfboek op de website www.kinderzwerfboek.nl kan iedereen  doen. De stickers die daarbij op het boek geplakt worden, liggen onder andere in het kinderzwerfboekstation in De Fijfskaar in Sint Jabik.

Kinderboeken thuis over die wel als zwerfboek van hand tot hand mogen gaan? Inleveren van kinderboeken kan bij de beheerder van het kinderzwerfboekstation: vrijwilligster Gerry Valkema uit Sint Jabik (Oosteinde 33). Dan zorgt zij voor het invoeren, beplakken en verspreiden van het nieuwe kinderzwerfboek.

Nationaal Fonds Kinderhulp
Het project Kinderzwerfboek is een initiatief van Nationaal Fonds Kinderhulp. Het fonds vindt, dat er boeken moeten zijn voor álle kinderen. Lezen is namelijk cruciaal voor de ontwikkeling van ieder kind. In Fryslân zijn op dit moment acht kinderzwerfboekstations. Naast het nieuwe station in Sint Jacobiparochie is er een in Dronrijp, Franeker, Harlingen, Leeuwarden, Oranjewoud, Oudega (Smallingerland) en in Sneek.

Voor meer informatie en de adressen van Kinderzwerfboekstations: www.kinderzwerfboek.nl

306 - Myn favorite boek

Twa wike tebek hienen wy in bysûnder jubileum te fieren: fjirtich jier lyn seagen wy inoar foar it earst op it stikje grien op De Kadal! Noch foardat wy nei de beukerskoalle gongen, kaam sy by my yn de strjitte wenjen – allinnich buuv en buum Wassenaar en frou Postma skieden ús sliepkeammerkes.

Yn fjirtich jier bart der in soad yn elts libben: der komme minsken by en fan in pear moat definityf ôfskie naam wurde. Der wurde blokfluit-, swim- en skoaldiploma’s helle. Relaasjes bloeie op en bliede wer dea. De studintetiid wurdt ynwiksele foar ‘it boarchlike bestean mei in echte baan’.

En der wurdt ferhúze, en sa wenje wie no 177 autokilometers fan inoar. 

Yn dy fjirtich jier wienen der perioaden dat wie alle dagen kontakt hienen, mear perioaden dat der likernôch gjin kontakt wie, oant der wat yngrevens barde oft wy wer ris ôfpraten. Twa wike lyn setten wy om 14.00 oere op in stasjon fan Swol útein mei praten… en om 22.00 oere doe’t de trein gie, wienen wy én noch net útpraat én hienen wy gjin tel stil west. Altiten is dy spesjale bân bleaun.

By in besite oan Swol ‘heart’ eins wol: omsneupe yn ‘Waanders in de Broeren’. Mei oare wurden, in besite oan de prachtige boekesaak yn de Broerentsjerke. De kolleksje is net folslein oars as by Van der Velde yn Ljouwert, mar it folsleine plaatsje is sa prachtich: it hege gebou dat dochs sfearfol is, in brasserie en ál dy boeken. Wy joegen inoar boeketips, wikselen ús mienings út oer boeken dy’t wy beide lêzen hienen én praten fansels oer eartiids. Oer de boeken dy’t wy lienden yn de byb fan Sint Jabik. Sy lies sa’n soad dat sy healwei de legere skoalle al C-boeken útsykje mocht… se hie alle aardige B-boeken doe al lêzen. Ik hold ek wol fan lêzen mar lies perfoarst net sa fluch en sa’n soad as sy.

‘Lutje de pony’ wie myn favorite boek, fertelde ik har. It wie yn dy ‘hynderperioade’ dy’t likernôch elts famke in kear yn har libben hat. It ferhaal fan in brún-wite pony dy’t ferkocht wurdt… of sa. Want ik wit it net mear persys. Ik wit allinnich noch dat it boek djippe yndruk op my makke – foaral dy ferkeap fan Lutje wie dramatysk – en ik dêrnei in hiel soad ‘Lutjes’ tekene haw mei myn filtstiften. Ien tekening hat lang op it plankje boppe myn bêd stien. Ik sjoch it noch sa foar my: it omslach mei de brún-wite pony en myn frije ynterpretaasje dêrfan.

In pear jier lyn haw ik noch wolris socht nei Lutje op websiden fan twaddehânsboekesaken. It likende wol foar altiten ferdwûn… oant fan ‘e jûn doe’t ik ynienen oan de besite oan ‘Waanders in de Broeren’ weromtocht. Ik pakte myn mobyl en socht gewoan nóchris op ‘Lutje de pony’… en jawis: te keap oanbean op Marktplaats foar € 0,10!

De keap is sletten, mei in pear dagen haw ik – as it goed is – myn favorite boek (ea? No, dat is wat te mâl) nei in dikke tritich jier wer yn hannen.

Ik bin bang dat dit wolris de deastek fan in romantisearre gefoel wurde kin…

305 - Opfallend (Lees vrouwen 2015)

Healwei ferline jier stie yn de Ljouwerter Krante en Dagblad van het Noorden in oprop foar in lêzer dy’t ree wie, sa no en dan in boek te besprekken fan in froulike auteur. En dat ûnder it motto: Lees vrouwen 2015. Oanlieding wie in ûndersyk nei boeken skreaun troch froulju en boeken skreaun troch manlju. Der waard (gelokkich) net in fergelyk makke nei kwaliteit, mar nei it tal boeken dat oandacht krijt yn de foarm fan bygelyks in resinsje. Oft in resinsje no poasityf of negatyf is, it is alle kearen wól oandacht. En oandacht yn de media betsjut ûnder eagen komme fan in soad minsken en faaks: ferkeap. Yn it artikel waard pleite foar in jier lang mear oandacht foar froulike auteurs.

De oprop foar ien lêzer smiet safolle reaksjes op – ik liuw wol in lytse 500 – dat besletten waard in lêsklup/panel op te rjochtsjen – de klup ‘Lees vrouwen 2015’ – én yn gearwurking mei boekhannels, útjouwers en skriuwers noch oare aktiviteiten te organisearjen rûnom dat tema: boeken skreaun troch froulju.

Hjoed tocht ik by it tichtslaan fan in boek (skreaun troch in frou) samar: hoe sit dat eins mei dat projekt en dy lêsklup ‘Lees vrouwen 2015’? Ik tocht fuort dernei ek oan wat ik yn de ôfrûne trije moannen lêzen haw: fan de acht boeken wienen seis skreaun troch in frou…

Syktocht

Om antwurd op de fraach oer de stân fan saken te krijen, gong ik nei Twitter en socht op #leesvrouwen2015, de hashtag dy’t de ynistatyfnimmers self neamden yn de kranten: fjouwer tweets yn 2015 wêrfan trije oer in lêzing yn Amsterdam en ien oer it ynisjatyf fan LC en DvhN.

Facebook dan: ik koe net in ‘community’ of sa fine.

De webside fan LC sels dan… gjin ‘hit’, mar ik moat dêrby ál tajaan dat sykje op ynternet net in talint fan my is.

Boekhannel Van der Velde wie tocht ik ien fan de boekhannels dêr’t mei gearwurke wurde soe… neat te finen oer ‘Lees vrouwen 2015’ op harren webstek.

De argyfside fan LC levere al in stik op oer ‘Lees vrouwen 2015’: in besprek fan it boek ‘Misschien wel niet’ fan Jannah Loontjens. Fiif leden fan de lêsklup jouwe yn it artikel harren miening oer it boek: Reina, Martha, Jouk, Froukje en Saskia.

Falt jo ek wat op oan dizze stikjes út dat artikel?

Ontzettend herkenbaar, oordeelt Reina Ringnalda uit Leeuwarden.

Ook Martha Brouwer uit Heerenveen heeft genoten

Een stuk minder te spreken over de roman is familierechtadvocate Jouk Dijkstra uit Appelscha.

Lerares Froukje van Welie uit Leeuwarden heeft zelf een dochter van dertig en ziet hoe ingewikkeld het leven van jongvolwassenen tegenwoordig is.

Misschien wel niet is een boek voor vrouwen, zegt Saskia Tijsma uit Emmen.

Spoiler alert!

Wat ik opfallend fyn: 

• der komme fiif froulju oan it wurd. Werôm net in man? 
• fan twa leden wurdt it berop neamd en fan trije net. Wêrom? 
• Grinslân is by dit besprek net fertsjintwurdige. Der sitte dochs wol lêzers út Grinslân yn de lêsklup fan LC en DvhN?

Ik wie tige optein doe’t ik foar de earste kear lies oer it ynisjatyf fan LC en DvhN. Hartstikke leuk dochs! Mar wat ik der no fan sjoen haw en der fan weromfine kin… ik wit net oft it wat wurden is of dat it noch wat wurde sil. 
Soe spitich wêze. 
Oan de oare kant: noch njoggen moannen yn 2015!